Lanv du an Amoco Cadiz

An Amoco Cadiz o vont d'ar strad

An eoullestr "supertanker" Amoco Cadiz a yeas d'ar strad d'ar 16 a viz Meurzh 1978 a-dal da Borsal (lodenn gumun Gwitalmeze) ; 220 000 tonenn eoul-maen e oa o treuzkas, ar pezh a yeas d'ober ul lanv du eus ar gwashañ hag ar pempvet en Istor ar bed a-bezh. Daoust ma oa lec'hiet ar peñse e Bro-Leon e tizhas al lanv 320 km a aodoù ha 76 kumun, e Bro-Leon hag e Bro-Dreger.

Brudet eo an Amoco Cadiz evit bezañ bet ar gwashañ gwalldaol ekologel e Breizh. Brudet eo ivez peogwir e voe al lanv du-se penn-kentañ ur stourm hir-hir etre ar Vretoned hag an embregerezh Amoco dirak lezioù-barn ar Stadoù-Unanet. Harozed ar stourm-se e voe Alphonse Arzel, maer Gwitalmeze, ha Jean-Baptiste Henry, eus Priel. D'ar 24 a viz Genver 1992, war-lerc'h 15 vloaz stourm eta, e voe kondaonet Amoco da baeañ 225 million a lurioù gall d'ar sindikad kemmesk a vode strollegezhioù publik Breizh (rannvro, departamantoù, kumunioù).

Levrlennadur

• Arzel (Alphonse), Le procès de l'Amoco Cadiz, Roazhon, Embannadurioù Ouest-France, 2004.
• Rochard (Yvon), L'affaire Amoco, Telgrug, ArMen, 2005.

Liammoù diavaez

• Ouest en mémoire (Ina) - Dek vloaz goude peñse an Amoco Cadiz
• Ouest en mémoire (Ina) - An Amoco Cadiz 1978
• Lanv du an Amoco Cadiz war lec'hienn ar CEDRE

Gwelet ivez

• Listenn al lanvioù du pennañ

Porched ar Mor – Sellit ouzh pennadoù Wikipedia a denn da bed ar mor.